L’urtimu ventu, l’urtimu sangu

di Carmelo Modica

Una poesia sull’amore tutta in dialetto siciliano

0 790

Aprire le porte all’amore e lasciarle aperte perché lasciandole aperte lui può decidere di rimanere. Amore che cancella ogni dolore, il dolore che ce lo fa ricordare. Per ogni dolore vissuto, un qualunque amore da provare.

 

Trasisti ni ‘sta casa
Comu l’urtimu ventu
Quannu prima ca scinni l’immernu
Squagghia l’ummira e s’arrisetta
In tutti ‘i cantuneri.
E sciddica supra
Li scarpi abbannunati,
Abbrazza li ciura n’o tavulu
E nova strata conza sutta li peri.
Purtasti un ciavuru duci
Ca vulissi cunsirvari
Dintra ‘sta cucina.
Purtasti ‘na vuci
Nova a ‘stu silenziu c’aggiarna
‘u liettu e ‘sti linzola:
Forsi forsi c’agghiorna
lu suli ni ‘stu cori
Di tramuntana aggigghiatu
Quannu nun c’eri.
Fu sciroccu c’affucava
Lu respiru e li pinseri…

Vivu ancora lu cuteddu
Ca dintra làcira e fiddìa
‘u turmentu
Quannu ‘a lama si sciarrìa
Cu li visciri
Ca senza ciatu crisceru.
Ora ca purtasti carni e sintimentu
Nun pôi scappari;
Chiùju allura ‘stu focu granni
Dintra li mura:
‘u sacciu,’ u sacciu ca senza aria
Iddu si catamìa e mori dopu ca sculura!

Trasisti comu l’urtimu sangu
Ni ‘stu corpu allippatu di suduri
Comu un cristu santu
Ca nun jetta vuci
E nun senti cchiù mancu
Vita nè duluri.
E pi ogni firita
Ca resta spalancata
Grapu ‘na finestra
E aspettu l’immirnata.

Carmelo Modica
03/10/2018

Diritti riservati

Lascia una risposta

L'indirizzo email non verrà pubblicato.